DAVE BERINDES

MAIKLING KWENTO

NI: DAVE M. BERINDES

Ang Pangarap

Sa malawak na probinsiya sa Cavite,may isang magiliw na batang babaeng nagngangalang Faye.Siya ay palaging sumasayaw tuwing naglilinis sa banyo,sa sala,o sa kusina man. Pangarap niyang makasayaw sa mga entablado at makasali sa mga Ballet Contest sa bayan .Mayroon siyang kaibigan na si Victor,siya naman ay palaging gumagawa ng mga embensiyon ,mapa sasakyan man ito o mga bagay-bagay. Pangarap niya ding makapunta sa bayan upang maipamalas ang kanyang talento. Silang dalawa ang palaging magkasama simula pa no’ng bata pa sila.Hanggang sa isang gabi, nagpasiya silang dalawa na tumakas sa bahay ampunan at pumunta sa bayan para sa kanilang mga pangarap. Gamit ang sasakyang panghimpapawid na enimbensiyon ni Victor,nakapunta sila sa  bayan at sila’y nakipagsapalaran doon.

 Si Faye ay nakapasok sa isang ballet room bilang tagapaglinis.  Araw -araw sa pagpasok niya sa trabaho ay  nanonood lamang siya habang sumasayaw ang mga kapwa -batang tinuturuan ni Madam Aurora,ang namamahala at direktor ng Organisasyong tungkol sa Ballet. Pagkatapos ng pagtuturo ay nagsiuwian na ang mga estudyante at  oras na naman ng kanyang paglilinis. Upang hindi siya makaramdam ng pagod sa pagwawalis,siya ay sumasayaw ng may ngiti sa kanyang labi. Sa kalagitnaan ng paglilinis,ay nakita siya ni Madam na sumasayaw at sinabihan siya nito na ,”Bakit hindi ka sumali?” ,”Wala po kasi akong pera pambayad at pambili ng sapatos.” Malungkot na sagot ni Faye. 

Kinabukasan, habang nagwawalis si Faye sa gilid ay biglang lumapit si Madam at may inabot na isang kahon na naglalaman ng isang pares na puting sapatos . Umiyak at nagpasalamat si Faye ng buong puso kay Madam Aurora .Nang dahil sa kanya ,naging mahusay si Faye na mananayaw.

Simula sa araw na iyon, si Faye ay palagi nang sumasayaw sa mga entablado at sa awa ng diyos ay nananalo siya . Hanggang sa paglaki niya ay naging bantog na mananayaw si Faye sa mga probensiya at sa buong bayan ng Cavite. Nang sumikat na si Faye ay pinuntahan niya si Victor na naging sikat narin bilang mahusay na imbentor. Silang dalawa ay pumunta sa bahay ampunan upang manghingi ng tawad noong sila ay tumakas at magbigay ng mga gamit at mga donasyon para sa mga pangangailangan ng nga bata . Ang hinding- hindi nya makakalimutan ay ang pagtulong ni Madam Aurora sa kanya noong araw na siya ay naghirap nang sa gayon ay maabot ni Faye ang kanyang pangarap sa buhay. At dito nagtatapos ang kwento tungkol sa “ ANG PANGARAP ”.